ကားဟောင်းများ အစားထိုးလဲလှယ်မှုကို ကြေညာချက် ထုတ်ပြန်ထားသည့်အတိုင်း ‘ပ’အက္ခရာ နံပါတ်အထိသာ လက်ခံမည်

ကားဟောင်းများ အစားထိုးလဲလှယ်မှုကို ကြေညာချက် ထုတ်ပြန်ထားသည့်အတိုင်း ‘ပ’အက္ခရာ နံပါတ်အထိသာ လက်ခံမည်

Sunday, 12 February 2012 14:06

ကားဟောင်းများ အပ်နှံကာ အစားထိုးတင်သွင်းခြင်းကို ကြေညာချက် ထုတ်ပြန်ထားသည့် အတိုင်း ‘ပ’ အက္ခရာနံပါတ်အထိသာ လက်ခံမည် ဖြစ်ကြောင်း မော်တော်ယာဉ် တင်သွင်းခြင်းဆိုင်ရာ ကြီးကြပ်ရေး ကော်မတီ တာဝန်ရှိသူများထံမှ သတင်းရရှိပါသည်။ ‘‘လောလောဆယ်ကတော့ ကြေညာချက် ထုတ်ထားတဲ့အတိုင်း ‘ပ’အက္ခရာအထိကိုပဲ လက်ခံမှာပါ’’ ဟု မော်တော်ယာဉ် တင်သွင်းခြင်းဆိုင်ရာ ကြီးကြပ်ရေးကော်မတီ တာဝန်ရှိသူတစ်ဦးက ဖေဖော်ဝါရီလ ၁၁ ရက်နေ့တွင် ပြောကြားခဲ့သည်။ အစောပိုင်းမှာ ကားဟောင်းအပ်နှံတုန်းက တစ်ရက်ကို ပျမ်းမျှအစီး ရေ ၅၀၀ ၀န်းကျင်လောက် အပ်နှံတာမျိုးရှိပေမယ့် ကျန်ခဲ့တဲ့ရက်ပိုင်းမှာဆိုရင် တစ်ရက်ပျမ်းမျှ အစီးရေက ၁၀၀ ၀န်းကျင်လောက်ပဲ လာအပ်တာမျိုးအထိ ရှိသွားတယ်။ အခုရက်မှာ ပြန်တက်လာပေမယ့် စလက်ခံတုန်းက လောက်တော့ မများတော့ဘူး။ လက်ခံတာကတော့ ကြေညာထား တဲ့အတိုင်း ‘ပ’အက္ခရာ အထိပဲ အရင်လက်ခံသွားမှာပါ ‘‘ဖေဖော်ဝါရီလ ၁၀ ရက်နေ့ အထိ ကားဟောင်း ၃၃၁၀၀ အပ်နှံထားတယ်။ ၂၆၃၉၆ စီးကို ပါမစ်ထုတ်ပေးထားတယ်။ လိုင်စင်ထုတ်ပေးပြီးတာက ၁၂၉၅၄ စီးရှိပါတယ်။ အစောပိုင်းမှာ ကားဟောင်းအပ်နှံ တုန်းက တစ်ရက်ကို ပျမ်းမျှအစီးရေ ၅၀၀ ၀န်းကျင်လောက် အပ်နှံတာမျိုးရှိပေမယ့် ကျန်ခဲ့တဲ့ရက်ပိုင်း မှာဆိုရင် တစ်ရက်ပျမ်းမျှ အစီးရေ က ၁၀၀ ၀န်းကျင်လောက်ပဲ လာအပ်တာမျိုးအထိရှိသွားတယ်။ အခု ရက်မှာ ပြန်တက်လာပေမယ့် စလက်ခံတုန်းကလောက်တော့ မများတော့ ဘူး။ လက်ခံတာကတော့ ကြေညာထားတဲ့အတိုင်း ‘ပ’အက္ခရာ အထိပဲ အရင်လက်ခံသွားမှာပါ’’ဟု ရထားပို့ဆောင်ရေး ၀န်ကြီးဌာနတာဝန်ရှိသူ တစ်ဦးက ပြောကြားခဲ့ပါသည်။ ရှေ့ဆက် ကားတင်သွင်းမှုများ အတွက် စီစဉ်လုပ်ကိုင်နေသည့် အစီအစဉ်အချို့အပေါ် မော်တော်ယာဉ် တင်သွင်းခြင်းဆိုင်ရာ ကြီးကြပ်ရေး ကော်မတီမှ တာဝန်ရှိသူတစ်ဦးကလည်း “လောလောဆယ်တော့ ‘ပ’ အထိလက်ခံသွားမှာ။ အများနဲ့ဆိုင်တဲ့ Public Transoprtation နဲ့ဆိုင်တဲ့ ကားမျိုးတွေကို အခွန်လျှော့ချပြီး Luxury ကားအမျိုးအစားတွေကို အခွန်နှုန်းမြင့်မြင့်နဲ့ သွားဖို့ဆိုတဲ့ အစီအစဉ်ကိုတော့ ဆွေးနွေးနေတာ တော့ ရှိပါတယ်’’ဟု ပြောကြားခဲ့ပါသည်။ ကားတင်သွင်းမှုများ ပေးရာတွင် တင်သွင်းမည့် ကားပမာဏနှင့် ကိုက်ညီသည့် လမ်းရှိရန် လိုအပ်သည့်အတွက် အဆိုပါအချက်အပေါ် ထည့်သွင်း စဉ်းစားရသည်ဟုလည်း ၎င်းက ဆက်လက်ပြောကြားခဲ့ပါသည်။ ပို့ကုန်သွင်းကုန် လုပ်ငန်းရှင် တစ်ဦးကလည်း “အခုထုတ်ပြန်ထားတဲ့ စာရင်းအရဆိုရင် ကားဟောင်း အပ်ပြီးသွင်းလာတာ အစီး ၂၀၀၀၀ လောက်ပဲရှိဦးမယ်။ ရန်ကုန်မှာတော့ လမ်းတွေကြပ်ကုန်ပြီ။ ကားဟောင်း  က အစီးရေ ၅၀၀၀၀ ၀န်းကျင်၊ သင်္ဘောသားအပါအ၀င် အခြား သွင်းခွင့်ရမှာက အစီးရေ ၂၀၀၀၀ လို့ဆိုတယ်။ စုစုပေါင်း အစီးရေ ၇၀၀၀၀ လောက်ရောက်မယ့် သဘောပေါ့။ အခု ၂၀၀၀၀ နဲ့တင် ဒီ လောက်ဖြစ်နေတာလေ။ ဒီအတွက် ကားတင်သွင်းခွင့်ကတော့ များများစားစား မြန်မြန်ဆန်ဆန် အချိန်တို အတွင်း သွင်းခွင့်ပေးမယ်လို့ မမြင်ဘူး။ အခြားနိုင်ငံတွေလို သွင်းစေချင်တဲ့ အများနဲ့ဆိုင်တဲ့ကားကို အခွန် သုညရာခိုင်နှုန်း၊ ဇိမ်ခံကားဆိုရင် အခွန် ၂၀၀၊ ၃၀၀ ရာခိုင်နှုန်းအထိ တိုးမြှင့်ပြီးလုပ်မယ့် အစီအစဉ်ကတော့ လုပ်လို့ရတယ်လေ။ အဓိက အချက်ကတော့ လမ်းနဲ့ကားပါကင် လုံလောက်အောင် အရင်လုပ်၊ ပြီးမှ အခွန်နှုန်းအနိမ့်အမြင့်နဲ့ တင်သွင်း ခွင့်ပေးတာတော့ စနစ်တကျ ပိုရှိသွားမယ်လို့ ထင်ပါတယ်။ အခုရန်ကုန်မှာ ကားပါကင်လည်း ဆောက်မယ်၊ လမ်းတွေပြင်ဆင်မှုကိုလည်း လုပ်မယ်လို့လည်း ကြားထားတယ်။ လမ်းနဲ့ ကား ပါကင်အရင်ဆုံး ပြင်ဆင်ပြီးမှ အများစု ကားသွင်းခွင့်ပေး လိမ့်မယ်လို့ယူဆတယ်’’ဟု သုံးသပ် ပြောကြားခဲ့ပါသည်။ ကားဈေးကွက်အတွင်း လတ်တလော အခြေအနေအပေါ် ၀ယ်ရောင်း တစ်ဦးက “ကားဟောင်းအပ်တဲ့နှုန်း၊ ပါမစ်ထုတ်တဲ့နှုန်းကတော့ အရင် ကလိုမဟုတ်ဘူး။ ကျဲသွားတယ်။ သွင်းမယ့်သူနည်းသွားတာ။ အပ်ကုန်စနစ်နဲ့ ၀ယ်တာ နည်းသွားသလို ၀ယ်ရောင်းလုပ်တဲ့သူလည်း နည်းသွားတဲ့အတွက်ပါ။ အပ်ကုန်စနစ် နဲ့တန်ဖိုးနည်း ကားသွင်းတဲ့သူနည်း ရတဲ့ အဓိကအကြောင်းရင်းထဲမှာ သွင်းတဲ့သူတွေဟာ အရောင်းအ၀ယ် အနေအထားကို နောက်ထား သွင်းတဲ့ကားအတွက် အခွန်က အစ ကြိုဆောင်ထားရတာလေ။ အဲဒီအတွက် နည်းသွားတာ။ အခု Mark II ရွှေ ငါး၊ Hilux Surf တွေ ပေါလာတဲ့ အတွက် ၀ယ်ယူမယ့်သူတွေက အရင်လို သိပ်ပြီးစိတ်မ၀င်စားပေမယ့် တစ်နိုင်ငံလုံး ဘယ်နေရာမှာ မဆို ရွှေငါးနဲ့ Surf က အလွယ်တကူ ပြင်လို့ရသလို အပိုပစ္စည်းတွေကလည်း ကြိုက်တာဝယ်လို့ ရလာတဲ့အတွက် တော့ အ၀ယ်ကတော့ ရှိနေတုန်းပဲ’’ဟု ပြောကြားခဲ့သည်။

  source; http://www.weeklyeleven.com