ဥပဒေ လေးစားလိုက်နာပါက နိုင်ငံရေးပါတီများဘက်မှ ရပ်တည်မည်ဟု ရွေးကောက်ပွဲကော်မရှင်ဥက္ကဋ္ဌပြောကြား
Browse ›
Home ›
မြန်မာ့သတင်း
» ဥပဒေ လေးစားလိုက်နာပါက နိုင်ငံရေးပါတီများဘက်မှ ရပ်တည်မည်ဟု ရွေးကောက်ပွဲကော်မရှင်ဥက္ကဋ္ဌပြောကြား
 |
|
ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေး |
လာမည့်
ကြားဖြတ်ရွေးကောက်ပွဲတွင် နိုင်ငံရေးပါတီများအနေဖြင့်
ဖွဲ့စည်းပုံအခြေခံဥပဒေနှင့် တည်ဆဲဥပဒေများအား လေးစားလိုက်နာ
ဆောင်ရွက်မည်ဆိုပါက မိမိ၏ရာထူးကို စွန့်လွှတ်ရလျှင်ပင်
နိုင်ငံရေးပါတီများဘက်က အပြည့်အဝ ရပ်တည်သွားမည်ဖြစ်ကြောင်း
ပြည်ထောင်စုရွေးကောက်ပွဲ ကော်မရှင်ဥက္ကဋ္ဌ ဦးတင်အေးက ပြောကြားသည်ဟု
နိုင်ငံရေးပါတီ ခေါင်းဆောင်များ၏ ပြောကြားချက်အရ သိရသည်။ ဖေဖော်ဝါရီလ ၁၄
ရက်နေ့က နေပြည်တော်တွင် ကျင်းပပြုလုပ်သော နိုင်ငံရေးပါတီများနှင့်
တွေ့ဆုံဆွေးနွေးပွဲ၌ တက်ရောက်လာသည့် နိုင်ငံရေးပါတီများက ၂၀၁၀
ရွေးကောက်ပွဲအတွင်း ဖြစ်ပွားခဲ့သော မဲမသမာမှုများနှင့် လက်ရှိအခြေအနေတွင်
ဖြစ်ပေါ်နေသော တရားမဲ့ ပြုကျင့်နေမှုများကို တင်ပြအပြီး ပြည်ထောင်စု
ရွေးကောက်ပွဲ ကော်မရှင်ဥက္ကဋ္ဌက အထက်ပါအတိုင်း ကတိပြုလိုက်ခြင်းဖြစ်သည်ဟု
၎င်းတို့ထံမှ သိရသည်။ “ကော်မရှင်ဥက္ကဋ္ဌကြီး ပြောတာကတော့
နိုင်ငံရေးပါတီတွေအနေနဲ့ ဖွဲ့စည်းပုံအခြေခံဥပဒေနဲ့ တည်ဆဲဥပဒေတွေ၊
ရွေးကောက်ပွဲဆိုင်ရာ နည်းဥပဒေတွေနဲ့အညီသာ ဆောင်ရွက်ပါ။ အဲဒါဆိုရင် သူက
ပါတီတွေဘက်ကနေ ရပ်တည်မယ်၊ အဲဒီလို ရပ်တည်လို့ ကော်မရှင်ဥက္ကဋ္ဌ
ရာထူးစွန့်လွှတ်ရရင်တောင် စွန့်လွှတ်လိုက်မယ်။ တပ်မတော်သားဘဝက လာတာ၊ ဘာမှ
ကြောက်စရာ မရှိဘူးလို့ ပြောပါတယ်။ ပါတီတွေက တော်တော်လေးကို
အားရကျေနပ်သွားကြတယ်” ဟု ပြည်သူ့ဒီမိုကရေစီ ပါတီခေါင်းဆောင်
ဒေါက်တာသန်းထိုက်ဦးက ပြန်လည်ပြောပြသည်။ ပြည်ထောင်စုရွေးကောက်ပွဲ
ကော်မရှင်အနေဖြင့် ဥပဒေများ၊ နည်းဥပဒေများနှင့်အညီ လုပ်ဆောင်နေသော်လည်း
တိုင်း၊ ခရိုင်၊ မြို့နယ်၊ ရပ်ကွက်နှင့် ကျေးရွာအဆင့် ကော်မရှင်များတွင်
ဥပဒေကို လေးစားလိုက်နာမှု အားနည်း၍ ပါတီများအနေဖြင့် မသမာမှုများ၊
တရားမဲ့ပြုကျင့်မှုများ ခံနေရခြင်းဖြစ်ကြောင်း၊ ကော်မရှင်အဆင့်ဆင့် အနေဖြင့်
မှားယွင်းလုပ်ဆောင်မှုများ ရှိခဲ့ပါက ယင်းတို့ကို အရေးယူနိုင်မည့် ဥပဒေများ
တိကျစွာ မရှိသေးကြောင်းလည်း ၄င်းကထောက်ပြ ပြောဆိုခဲ့သည်ဟု ၂၀၁၂ ခုနှစ်
ဖေဖော်ဝါရီ ၂၇ ရက်နေ့ထုတ် The Voice ဂျာနယ်တွင် ဖော်ပြထားပါသည်။
15
comments:
သစ်ထူးလွင်
No comments:
Post a Comment